நீங்கள் தேடியது "ஏடிஎம் கொள்ளை"

அதிர்ச்சியடைந்த அவர் என்னசெய்வதென்று தெரியாமல் திகைத்த நின்ற போது, அவரது செல்போனுக்கு தொடர்ந்து எஸ்.எம்.எஸ்.தகவல் வந்து கொண்டிருந்தது.

அதில் முதலில் அவரது வங்கி கணக்கில் இருந்து ரூ.10ஆயிரம், பின்னர் மறுமுறை ரூ.10ஆயிரம், அடுத்து ரூ.10ஆயிரம், ரூ.5ஆயிரம் என ரூ.35ஆயிரம் எடுக்கப்பட்டதற்கான தகவல் வந்தது.

ரம்யாவின் வங்கி கணக்கில் ரூ. 43 ஆயிரம் வரை இருந்தது. அதில் ரூ.35 ஆயிரம் பணம் எடுத்ததற்கான தகவல் வந்ததையடுத்து மேலும் அதிர்ச்சியடைந்தார்.

உடனே வங்கிக்கு விரைந்து சென்று,அதிகாரிகளிடம் நடந்த விவரத்தை கூறி, வங்கி கணக்கை பிளாக் செய்தார். பின்னர் லால்குடி போலீஸ் நிலையத்தில் புகார் செய்தார்.

போலீசார் விசாரணை நடத்தியதில், ரம்யா திருச்சிக்கு சென்று விட்டு பஸ்சில் திரும்பும் போது, மர்மநபர் மணிபர்சை திருடியுள்ளது தெரியவந்தது. ஏ.டி.எம். எண் ஞாபகத்திற்காக ரம்யா ஒரு தாளில் பின் நம்பரை எழுதி மணிபர்சில் வைத்திருந்தார். அது, ஏ.டி.எம்.கார்டை திருடிய மர்மநபருக்கு எளிதாக அமைந்துவிட்டது. அதன் மூலம் அவர் ரம்யா வங்கி கணக்கில் இருந்த பணத்தை அபேஸ் செய்துள்ளார். மேலும் அந்த மர்மநபர் மாந்துறையில் உள்ள ஒரு வங்கி ஏ.டி.எம்.மில் இருந்து பணத்தை எடுத்துள்ளார்.

இதனால் அந்த ஏ.டி.எம். மைய கண்காணிப்பு காமிராவில் பதிவாகி உள்ள காட்சிகளை வைத்து போலீசார் விசாரணை நடத்தி மர்மநபரை தேடி வருகின்றனர். பணத்தை அபகரித்த மர்மநபரை விரைவில் பிடித்து விடுவோம் என்றும் போலீசார் தெரிவித்துள்ளனர்.

சென்னை:

மெரினா கடற்கரையையொட்டியுள்ள எழிலகம் வளாகத்தில் ஏராளமான அரசு அலுவலகங்கள் செயல்பட்டு வருகின்றன. இங்குள்ள எஸ்.பி.ஐ. வங்கி ஏ.டி.எம். எந்திரத்தில் இருந்து வாடிக்கையாளர்களின் பணம் தொடர்ச்சியாக திருடப்பட்டு வந்தது.

கடந்த பிப்ரவரி மாதம் முதல் மர்ம கும்பல் ஒன்று இந்த ஏ.டி.எம். எந்திரத்தை மட்டும் குறிவைத்து கைவரிசை காட்டியது. இது தொடர்பாக 5 பேர் அடுத்தடுத்து அண்ணாசதுக்கம் போலீசில் புகார் அளித்தனர். இதுபற்றி உயர் போலீஸ் அதிகாரிகளின் கவனத்துக்கு கொண்டு செல்லப்பட்டது.

இதனையடுத்து திருவல்லிக்கேணி துணை கமி‌ஷனர் செல்வ நாகரத்தினம் மேற்பார்வையில், உதவி கமி‌ஷனர் ஆரோக்கிய பிரகாசம், அண்ணா சதுக்கம் குற்றப்பிரிவு இன்ஸ்பெக்டர் தீபா ஆகியோரது தலைமையில் ஏ.டி.எம். கொள்ளையர்களை பிடிக்க தனிப்படை அமைக்கப்பட்டது. சப்-இன்ஸ்பெக்டர் மாணிக்கம், போலீஸ்காரர்கள் சங்கர், சக்தி, சதாசிவம், சாமி ஆகியோர் அடங்கிய தனிப்படையினர் எஸ்.பி.ஐ. ஏ.டி.எம். அருகே ரகசியமாக கண்காணித்தனர்.

அண்ணா சதுக்கம் போலீஸ் நிலையத்துக்கு அழைத்து சென்று இருவரிடமும் விசாரணை நடத்தப்பட்டது. அப்போது கொள்ளையர்கள் 2 பேரும் பீகாரில் இருந்து விமானத்தில் வந்து கொள்ளையடித்தது தெரிய வந்தது. இருவரும் கைது செய்யப்பட்டனர்.

பிடிபட்ட கொள்ளையர்கள் போலீசில் அளித்த பரபரப்பு வாக்குமூலம் வருமாறு:-

ஏ.டி.எம். மையங்களில் பணம் எடுக்கும் வாடிக்கையாளர்கள் சிலர் பணத்தை எடுத்து முடித்த பின்னர் தங்களது ஏ.டி.எம். செயல்பாட்டை முழுமையாக முடிக்காமல் (கேன்சல் செய்வது வரை) செல்வார்கள். இதுபோன்ற நபர்களை கண்காணிப்பதற்காக திடீரென ஏ.டி.எம். மையத்துக்குள் சென்று விடுவோம்.

2 பேரில் ஒருவர் அருகில் உள்ள ஏ.டி.எம்.மில் பணம் எடுப்பதுபோல நடிப்போம். அப்போது ஏ.டி.எம்.மில் பணம் எடுக்கும் வாடிக்கையாளரின் ரகசிய குறியீட்டு எண்ணை எப்படியாவது கண்டுபிடித்து விடுவோம்.

ஏ.டி.எம்.மில் முழுயையாக செயல்பாட்டை முடிக்காமல் செல்லும் நபர்கள் யார் என்பதை தெரிந்து கொண்டு பின்நம்பரை மீண்டும் போட்டு பணத்தை எடுப்போம். இதுபோன்று ரூ.1½ லட்சம் வரையில் பணம் எடுத்துள்ளோம்.

இவ்வாறு கொள்ளையர்கள் கூறியுள்ளனர்.

இந்த பணத்தை கொள்ளையர்களில் ஒருவன் தனது தாயின் வங்கி கணக்கில் போட்டு வைத்துள்ளதாக தெரிவித்துள்ளார். அந்த பணத்தை மீட்க நடவடிக்கை எடுக்கப்பட்டுள்ளது.

கொள்ளையர்களிடம் இருந்து போலி ஏ.டி.எம். கார்டுகளும் பறிமுதல் செய்யப்பட்டுள்ளன. இதுபோன்று சென்னையில் வேறு எந்த ஏ.டி.எம். மையத்திலாவது இருவரும் கைவரிசை காட்டியுள்ளனரா? என்பது பற்றியும் விசாரணை நடத்தப்பட்டு வருகிறது.

சென்னையில் பணியாற்றும் கூடுதல் டி.ஜி.பி. ஒருவரின் அலவலக ஊழியரான சீனிவாசன் என்பவர் ரூ.30 ஆயிரம் பணத்தை இழந்துள்ளார். ராணுவ வீரர் ஒருவரின் வங்கி கணக்கில் இருந்து கொள்ளையர்கள் ரூ.20 ஆயிரம் பணத்தை எடுத்துள்ளனர்.

பழைய ஏ.டி.எம். எந்திரங்களில் மட்டுமே இதுபோன்று நூதன முறையில் பணம் எடுக்க முடியும் என்று கொள்ளையர்கள் அதிர்ச்சி தகவலையும் கூறியுள்ளனர்.

சிந்தாதிரிப்பேட்டையில் பஞ்சாப் நே‌ஷனல் வங்கி கிளை ஏ.டி.எம். எந்திரம் எஸ்.பி.ஐ. ஏ.டி.எம். போன்று பழைய ஏ.டி.எம். என்றும் கொள்ளையர்கள் கூறியுள்ளனர். எனவே அங்கும் கைவரிசை காட்டப்பட்டுள்ளதா? என்பது பற்றியும் விசாரணை நடத்தப்பட்டு வருகிறது. எனவே இது போன்ற ஏ.டி.எம். எந்திரங்களை மாற்ற வேண்டும் என்ற கோரிக்கை எழுந்துள்ளது.

பீகார் கொள்ளையர்கள் கடந்த 4 மாதங்களில் பலரது வங்கி கணக்கில் இருந்து பணத்தை எடுத்துள்ளனர். ஆனால் பெரும்பாலானவர்கள் புகார் அளிக்கவில்லை. இதன் மூலம் லட்சக்கணக்கான பணத்தை கொள்ளையர்கள் சுருட்டி இருப்பதும் வெளிச்சத்துக்கு வந்துள்ளது.

கோவை:

கோவை பீளமேட்டில் கடந்த டிசம்பர் மாதம் 2 ஏ.டி.எம். எந்திரங்களை உடைத்து ரூ.31 லட்சம் கொள்ளையடித்த வட மாநிலங்களை சேர்ந்த 8 பேரை போலீசார் கைது செய்தனர்.

விசாரணையில் அவர்கள் ராஜஸ்தானை சேர்ந்த மோசம் கான்(34), முபாரக் (30), சுபைர்(19), அரியானாவை சேர்ந்த சுபைர்(33), அமின்(34), அமித்குமார்(30), உத்தரபிரதேசத்தை சேர்ந்த முஸ்தாக்(32), பீகாரை சேர்ந்த ஜூல்பிகர்(25) ஆகியோர் என்பது தெரியவந்தது.

இவர்கள் தெலுங்கானா, ஆந்திரா, கேரளா, கர்நாடகா உள்பட நாடு முழுவதும் 100-க்கும் மேற்பட்ட ஏ.டி.எம். மையங்களில் கைவரிசை காட்டியதை ஒப்புக் கொண்டனர். இந்த கும்பலுக்கு தலைவனாக செயல்பட்ட ராஜஸ்தானை சேர்ந்த அஸ்லாமுதீனை ஜெய்ப்பூரில் வைத்து தனிப்படை போலீசார் கைது செய்தனர். இவர்கள் அனைவரும் குண்டர் சட்டத்தில் ஜெயிலில் அடைக்கப்பட்டனர்.

இந்தகும்பல் தெலுங்கானா மாநிலம் மெகபூப் நகரில் பாரத ஸ்டேட் வங்கி ஏ.டி.எம். எந்திரத்தை உடைத்து ரூ.6.5 லட்சத்தை கொள்ளையடித்தை ஒப்புக்கொண்டனர். இது குறித்து கோவை மாநகர போலீசார் தெலுங்கானா போலீசாருக்கு தகவல் தெரிவித்திருந்தனர்.

இந்நிலையில் இவ்வழக்கில் அவர்கள் 8 பேரையும் கைது செய்வதற்காக தெலுங்கானா மாநிலத்தை சேர்ந்த போலீஸ் அதிகாரிகள் நேற்று கோவை வந்தனர். ஜெயிலுக்கு சென்ற அவர்கள் ஏ.டி.எம். கொள்ளையர்கள் 8 பேரையும் கைது செய்து தெலுங்கானா கோர்ட்டில் ஆஜர்படுத்த அழைத்து செல்வதற்கான ஆவணங்களை காட்டினர்.

இதைப்பார்த்த ஜெயில் அதிகாரிகள், உங்களது அடையாள அட்டை மற்றும் ஏ.டி.எம். கொள்ளையர்கள் கைது குறித்த ஆவணங்களை மாநகர போலீஸ் கமி‌ஷனர் அலுவலகத்தில் காட்டி சரி பார்த்து வருமாறு கூறி அனுப்பினர். அதன்பேரில் மாநகர போலீஸ் கமி‌ஷனர் அலுவலகம் வந்தனர்.

பின்னர் தெலுங்கானா போலீஸ் அதிகாரிகளை கோவை மாநகர போலீசார் தொடர்பு கொண்டு பேசியதில் வந்தது தெலுங்கானா போலீசார் தான் என்பது உறுதி செய்யப்பட்டது. பின்னர் தெலுங்கானா போலீசார் மீண்டும் ஜெயிலுக்கு சென்று ஆவணங்களை காட்டினர்.

ஏ.டி.எம். கொள்ளையர்கள் 8 பேரும் குண்டர் சட்டத்தில் கைது செய்யப்பட்டுள்ள நிலையில் இவர்கள் மீதான வழக்கு நாளை மறுநாள்(17-ந் தேதி) கோவை மாவட்ட முதன்மை குற்றவியல் நீதிமன்றத்தில் விசாரணைக்கு வர உள்ளது. இந்நிலையில் 8 பேரையும் தெலுங்கானா கோர்ட்டுக்கு அனுப்புவதில் சிக்கல்கள் ஏற்பட்டது.

எனவே ஏ.டி.எம். கொள்ளையர்களை அனுப்புவதற்கு மேலும் சில ஆவணங்கள் தேவை என ஜெயில் அதிகாரிகள் கூறினர். இதனால் தெலுங்கானா போலீசார் ஏமாற்றத்துடன் திரும்பி சென்றனர்.#tamilnews